သားလေး သွင်ဦးဟန်(ခ)ကိုကိုး ရဲ့(၂)နှစ်ပြည့်မွေးနေ့လေးမှာ ရင်ထဲ ကတန်ဖိုးမဖြတ်နိုင်တဲ့ မေတ္တာတွေနဲ့စာလေးတစ်ဆောင်ရေးသားလာတဲ့ ပိုးအိအိခန့်…

ပရိသတ်ကြီးရေ ပရိသတ်တွေရဲ့အချစ်တော် ပိုးအိအိခန့်နဲ့ လက်ရွေးစင်ဘောလုံးကစားသမား အောင်သူတို့ရဲ့ သားဦးလေးဖြစ်တဲ့ သွင်ဦးဟန် လေးကတော့ မနေ့က ဇူလိုင် (၁၉)ရက်နေ့က အသက် (၂)နှစ်ပြည့်မြောက်သွားခဲ့ပါတယ်။ သားသားလေးရဲ့ (၂)နှစ်ပြည့်မွေးနေ့လေးမှာတော့ မေမေပိုးအိအိခန့်ကနေ သားလေးအပေါ်ထားရှိတဲ့ ရင်ထဲက မေတ္တာတွေနဲ့ စာလေးတစ်စောင်ရေး သားဖော်ပြလာခဲ့ပါတယ်။

“မေမေ့သားလေးရေ Happy Birthday ပါ။ သားလေးတောင်(၂) နှစ်တောင်ပြည့်သွားပြီ အချိန်တွေကအရမ်းမြန်တာပဲ သားရယ်။ တစ်နည်းအားဖြင့် မေမေ့ ကိုယ်ပိုင်အချိန်တွေ မရှိခဲ့တာ (၂) နှစ်ပြည့်သွားပြီပေါ့သားရယ်။သားလေးမွေးနေ့ကို အကြောင်းပြုပြီး မေမေက စာလေး တစ်စောင်ရေးချင်တယ်။ သားလေးရေ.. သားလေးက မေမေ့ ဘဝပါ။ အရာရာ တိုင်းမှာ သားလေးက မေမေ့ရဲ့ နံပါတ် (၁) ပါ။ မေမေပျော်ဖို့ထက် သားလေးပျော်ဖို့ နံပါတ် (၁) မေမေစိတ်ချမ်းသာဖို့ထက် သားလေးစိတ်ချမ်းသာဖို့ နံပါတ် (၁) မေမေ မပျင်းဖို့ထက် သားလေးမပျင်းဖို့ နံပါတ်(၁) မေမေ အစားစားဖို့ထက် သားလေး အစားစားဖို့ နံပါတ် (၁)အရာအားလုံးက သားလေးအတွက် သားလေးဆန္ဒက နံပါတ် (၁) ပါ သားရယ်။

အရင်က အလှလေးပြင်ပြီး နေတတ်တဲ့မေမေလည်း သားလေးရပြီး အလှမပြင်နိုင်တော့ပါဘူးသားရယ်။ အရင်က ပျင်းတာနဲ့ ရုပ်ရှင်ကြည့်တတ်တဲ့မေမေလည်း ရုပ်ရှင်ဆိုတာ ဘာမှန်းတောင် မသိတော့ပါဘူးသားရယ်။ အရင်က အရမ်းအိပ်ပုတ်ကြီးတဲ့မေမေလည်း သားလေးအတွက်ဆို မအိပ်ရလည်း ဖြစ်တဲ့မေမေဖြစ်နေပါပြီ။ မေမေအပျိုတုန်းက နေမကောင်းဖြစ်ရင် ဝိုင်းဂရုစိုက်တာ ခံချင်လို့ နေမကောင်းတဲ့ရက် ရှည်ပါစေဆိုပြီး ဆေးတွေ မသောက်ဘဲ နေဖူးတဲ့ မေမေက အခုဆို ချမ်းစိမ့်စိမ့်ဖြစ်လာတာနဲ့ ငါဖျားလို့မဖြစ်ဘူးဆိုပြီး ဆေးတွေ ကြိုသောက်တတ်တဲ့မေမေဖြစ်နေပြီ။ အရင်ကဆို အားလူံးထက် အရင်ဆုံး သေတဲ့သူဖြစ်ချင်ပေမယ့် အခုဆို ငါ့သားလေးအတွက် ငါ အသက်ရှည်ရမယ်ဆိုပြီး အားတွေ တင်းတတ်နေတဲ့ မေမေဖြစ်ေ နပြီသားလေးရဲ့။

ဒါပေမယ့်ကျေနပ်ပါတယ်။ သားလေး မေမေ့နားမှာ ကျန်းမာ ပျော်ရွှင်စွာ ဆော့ကစားနေတာကို မြင်ရတိုင်း မေမေ့အချိန်တွေ နှစ်မြုပ်ရတာကို ပျော်တတ်နေပါပြီ သားလေးရယ်။ မေမေအရင်က ပြောခဲ့ဖူးသလို သားလေးငယ်ရွယ်စဉ်မှာ ပျော်ရွှင်ဖို့ မေမေ့တာဝန်ထားပါ။ သားလေး ကြီးလာလိူ့ လူ့လောကကြီးအကြောင်းသိလာတဲ့အခါကျရင်တော့ ကိုယ့်ဘာကိုယ် စိတ်ချမ်းသာအောင်နေတတ်ဖို့ သားကြိုးစားပေးပါနော်။ မေမေ့သားလေး လူတော် လူကောင်း လူလိမ္မာ လူယဉ်ကျေးလေး ဖြစ်ပါစေလိူ့ မေမေဆုတောင်းပေးသလို မေမေလည်း အတတ်နိုင်ဆုံး မေမေ့ သားလေးကို ပဲ့ပြင်ဆုံးမ ပေးသွားပါမယ်သားရေ။

အခုငယ်တုန်းမှာတော့ ကျန်းကျန်းမာမာနဲ့ မေမေ့နားမှာ ပျော်ရွှင်စွာ ဆော့ကစားပေးပါ မေမေ့ဘဝလေးရေ” ဆိုပြီး သားသားလေးကြောင့် ပြောင်းလဲဖြစ်ပေါ်လာတဲ့ မေတ္တာတွေကို ဖော်ကျူးခဲ့တဲ့ စာလေးကို သူ့ရဲ့လူမှုကွန်ရက်စာမျက်နှာကနေ သာသားလေးအတွက် မွေးနေ့ဆုောတင်းနဲ့အတူ ပိုးအိအိခန့်ကဖော်ပြထားခဲ့တာပဲဖြစ်ပါတယ် ပရိသတ်ကြီးရေ။

Credit ; CeleZone

Source – Thwin Oo Han

celeupdatenews

celeupdatenews